საფრანგეთში, მემარჯვენეებისა და ცენტრისტების პრაიმერიზის მეორე ტურში გამარჯვება ფრანსუა ფიიონმა მოიპოვა. მან ამომრჩეველთა ხმების 66.5% მიიღო, ხოლო მისმა მოწინააღმდეგე ალენ ჟუპემ – 33.5%. ამგვარად, ფრანსუა ფიიონი გახდა რესპუბლიკური პარტიის კანდიდატი 2017 წლის საპრეზიდენტო არჩევნებში.
ფრანსუა ფიიონი 62 წლისაა, ის 2002-2004 წლებში შრომის მინისტრის თანამდებობას იკავებდა, 2004-2005 წლებში განათლების მინისტრი, ხოლო 2007 წლიდან 2012 წლამდე საფრანგეთის პრემიერ-მინისტრის პოსტი ეკავა.