ეროვნული ვალუტა ისევ უფასურდება – ოფიციალური მონაცემებით, ერთი დოლარის ღირებულებამ 2 ლარს და 51 თეთრს მიაღწია.ეს მაჩვენებელი კიდევ უფრო მეტია ვალუტის გადამცვლელ ჯიხურებში. ბოლო ათი წლის განმავლობაში ეს ლარის ყველაზე ცუდი მაჩვენებელია.ნაციონალურ მოძრაობაში ამბობენ, რომ სავალუტო კრიზისის დასაძლევად მთავრობას არ გააჩნია სწორი სამოქმედო გეგმა და ხელისუფლებას არაადეკვატურ ქმედებებში ადანაშაულებენ.
„სავალუტო კრიზისია ქვეყანაში და სავალუტო კრიზისის დაძლევის არაგონივრულ გზას გვთავაზობს მთავრობა. მოსდით უამრავი იდეა, მათ შორის ზოგი სასაცილო და ზოგი აბსოლუტურად წარმოუდგენელია,“ – აცხადებს რომან გოცირიძე.კრიზისს არ უარყოფენ მმართველ პარტიაშიც და ამტკიცებენ, რომ მთავრობამ სამოქმედო გეგმაზე მუშაობა დაიწყო.