ერთიანი ნაციონალური მოძრაობის წევრი ანა წითლიძე ფეისბუკის გვერდზე პარტიის ყრილობას ეხმიანება და ამ საკითხთან დაკავშირებით საკუთარ პოზიციას აფიქსირებს. საკრებულოს დეპუტატი მიესალმება მრავალათასიანი ყრილობის ჩატარებას, "მხოლოდ პარტიის თავმჯდომარეების და მაჟორიტარების მიერ ერთპიროვნულად შერჩეული დელეგატები ყოველთვის გამოიწვევს კითხვის ნიშნებს ჩვენს მხარდაჭერებს შორის.ყრილობაზე საერთოდ არ უნდა დადგეს ახალი თავმჯდომარის არჩევის საკითხი."- წერს წითლიძე. "დღეს არ მეცალა, ცხენზე ჯირითის დებიუტი მქონდა და მხოლოდ ახლა მოვიცალე.ინბოქსში დამხვდა ძალიან ბევრი წერილი ენმ ყრილობაზე ჩემს პოზიციასთან დაკავშირებით. მეგონა მანამდე არაერთხელ გამოვხატე და გასაგები იყო მაგრამ რადგან ჩვენს მხარდამჭერებს კიდევ სჭირდებათ პასუხი, კიდევ ერთხელ ვაცხადებ ღიად:მე არ ვიცი რა გადაწყვეტილებას მიიღებს ზუგდიდის ენმ (პარტიის თავმჯდომარე მე არ ვარ და არც რეგიონული კოორდინატორი) მაგრამ მე მხარს ვუჭერ მრავალათასიანი ყრილობის ჩატარებას სადაც რაც შეიძლება მეტი დელეგატი იქნება წარმოდგენილი. მხოლოდ პარტიის თავმჯდომარეების და მაჟორიტარების მიერ ერთპიროვნულად შერჩეული დელეგატები ყოველთვის გამოიწვევს კითხვის ნიშნებს ჩვენს მხარდაჭერებს შორის.ყრილობაზე საერთოდ არ უნდა დადგეს ახალი თავმჯდომარის არჩევის საკითხი.ყრილობაზე უნდა აირჩეს ახალი პოლიტსაბჭო და რაც მთავარია გაიწეროს ვის და როგორ შეუძლია გახდეს პოლიტსაბჭოს წევრი. (ეს საკითხი საერთოდ ღიაა)ყრილობა უნდა ჩატარდეს მაშინ როდესაც მზად ვიქნებით და არა წინასაახალწლოდ.მივესალმები პარტიის თავმჯდომარეების ნაწილის პოზიციას მრავალათასიანი ყრილობის მხარდაჭერაზე. მადლობა გამბედაობისთვის. იმედია მაქვს სამეგრელოს ექნება თავისი სწორი პოზიცია აღნიშნულ საკითხთან დაკავშირებით. მოვუწოდებ ყველას, ღიად დააფიქსირონ თავიანთი პოზიცია."- ნათქვამია ანა წითლიძის განცხადებაში. აღსანიშნავია, რომ პარლამენტის წევრებს ერთიანი ნაციონალური მოძრაობიდან, ასევე რეგიონალური სამდივნოს სამეგრელ-ზემო სვანეთის კოორდინატორს თენგიზ გუნავას, ზუგდიდის რაიონული ორგანიზაციის თავმჯდომარეს ლაშა დამენიას და სხვებს ამ საკითხზე საჯარო კომენტარი სოციალური ქსელით ამ დრომდე არ გაუკეთებიათ.
“ყრილობა უნდა ჩატარდეს მაშინ როდესაც მზად ვიქნებით და არა წინასაახალწლოდ”- ანა წითლიძე ენმ-ს ყრილობას ეხმიანება
Published on