კოლეგიამ ორდღიანი მსჯელობის შემდეგ რუსთავი2-ის სარჩელებზე გადაწყვეტილება ვერ მიიღო და ეს მისია უკვე უზენაესი სასამართლოს დიდ პალატას დააკისრა. ეს კი იმას ნიშნავს, რომ საქმის განხილვას უკვე მოსამართლეების 9-კაციანი შემადგენლობა დაიწყებს.
დიდი პალატა განსაკუთრებით რთული კატეგორიის საქმეებს განიხილავს და მასში მონაწილეობას მიიღებენ იმ კოლეგიის წევრებიც, რომლებმაც დღევანდელი გადაწყვეტილება გამოაცხადეს.
საქმის განხილვას კი უზენაესი სასამართლოს თავმჯდომარე ან მისი დავალებით ერთ-ერთი პალატის თავმჯდომარე უხელმძღვანელებს.
სულ პალატაში 11 წევრია, მათგან კი 9 უნდა შეირჩეს, რომელიც საქმეს განიხილავს.