ახალი მოწვევის პარლამენტს 150 წევრი ჰყავს, თუმცა სოზარ სუბარი მათი დიფერენციაციის ორიგინალურ პრინციპს სთავაზობს საზოგადოებას: „სამ ნაწილად იყოფა პარლამენტის შემადგენლობა, საიდანაც 115 ნამდვილად ღირსეული ადამიანია. ამ ადამიანებზე შემიძლია დაგიდასტუროთ და ამ 115 კაცს აქვს ძალიან დიდი ამოცანა, რომ უზრუნველყოს მომდევნო ოთხი წლის განმავლობაში ქვეყნის სტაბილური განვითარება,“ – განაცხადა მან მედიასთან საუბარში.

,, მე-9 მოწვევის პარლამენტი მე-8-სგან განსხვავებული იქნება თუნდაც იმით, რომ წინა  პარლამენტში იყვნენ პოლიტიკური ფიგურები, რომლებსაც ჰქონდათ რეპუტაცია და „ბიძინა ივანიშვილმა გაწმინდა „ქართული ოცნებაც“ კი, პოლიტიკური ფიგურებისგან“. 

„ამ მოწვევის პარლამენტს აქვს სერიოზული გამოწვევები და ქვეყანას აქვს სერიოზული გამოწვევები. საკმაოდ სერიოზულ პრობლემებია კრიმინალის, კორუფციის მიმართულებით. ამის წინააღმდეგ მოგვიწევს ბრძროლა და ეს უნდა იყოს შეჩერებული. გარდა ამისა, ჩვენ უნდა შევაჩეროთ ბიძინა ივანიშვილის გადაჭარბებული ძალაუფლება, რომელიც არ არის პროპორციული იმ ხმების, რომელიც აიღო. ჩვენ რამდენიც ვართ, იმდენი ვიბრძოლებთ არა მხოლოდ პარლამენტში, არამედ მის გარეთ“, – განაცხადა სერგო რატიანმა.