რუსეთის პრეზიდენტმა ვლადიმირ პუტინმა სომხეთთან ჯარების გაერთიანებული დაჯგუფების შექმნის შეთანხმების ხელმოწერის შესახებ ინიციატივას მხარი დაუჭირა.განკარგულების ტექსტის შესაბამისად, რუსეთის ფედერაციის თავდაცვის სამინისტროს ევალება მოლაპარაკებების ჩატარება სომხურ მხარესთან და შეთანხმების მიღწევის შემთხვევაში, რუსეთის ფედერაციის სახელით ხელი მოეწეროს აღნიშნულ შეთანხმებას.შეთანხმების პროექტის თანახმად, რუსეთი და სომხეთი კავკასიის რეგიონში კოლექტიური უსაფრთხოების უზრუნველსაყოფად ორი ქვეყნის შეიარაღებული ძალების გაერთიანებულ დაჯგუფებას შექმნიან, რომელიც შეძლებს შეიარაღებულ თავდასხმაზე , ასევე სხვა საფრთხეებზე ადეკვატურ რეაგირებას.ამავდროულად, დაჯგუფების ერთ-ერთი მიზანი ქვეყნების საზღვრების დაცვის გაძლიერებაა.მშვიდობიან დროს დაჯგუფება სომხეთის გენშტაბის უფროს დაემორჩილება, სამხედრო მდგომარეობაში კი რუსეთის სამხრეთის სამხედრო ოლქის ჯარების მეთაურსაც.როგორც განკარგულებაშია აღნიშნული, შეთანხმება მიმართულია არ არის მესამე სახელმწიფოს სუვერენიტეტის ან საერთაშორისო ხელშეკრულებების წინააღმდეგ.