შეერთებული შტატების საპრეზიდენტო არჩევნების მონაცემები უკვე აისახა მსოფლიო ფინანსურ ბაზარზე.
ხმების დათვლის პარალელურად, მსოფლიო ბაზარზე დოლარი უფასურდება. ამერიკის ეროვნულ ვალუტასთან მიმართებაში ევრო ორი პროცენტით გამყარდა, გირვანქა სტერლინგი კი ერთი პროცენტით.
დოლარი სამი პროცენტზე მეტით გაუფასურდა იაპონურ იენთან, შვეიცარიულ ფრანკთან მიმართებაში კი ორი პროცენტით.
ახალი ამბების ფონზე, ეცემა გლობალური საფონდო ინდექსებიც, მაგალითად, დოუ ჯონსის მაჩვენებელმა 650 პუნქტით დაიწია, ნასდაკის ფასიანი ქაღალდები კი 4% მეტით გაიაფდა.
გაიაფდა ნავთობიც, ვაჭრობის განახლებისთანავე დღეს დილით ერთი ბარელი ბრენტის მარკის საწვავის ღირებულება 45 დოლარს ჩამოსცდა.