დავით უსუფაშვილი ვისთან აპირებს ახალი პოლიტიკური ძალის შექმნას, ის ამის კონკრეტულად თქმას ადრე გაზაფხულზე შეძლებს, მანამდე ის კონსულტაციების გამართვას ბევრ ადამიანებთან გეგმავს.ამის შესახებ დავით უსუფაშვილმა გადაცემა არჩევანში ისაუბრა.„ამისათვის ვაპირებ სერიოზულ სამუშაოს და შეხვედრებსა და საუბრების გამართვას ბევრ ადამიანთან. უფრო დეტალურად ამ კითხვაზე საუბარს ადრე გაზაფხულზე შევძლებ. მე არ ვაპირებ თანამშრომლობას იმათთან, ვისაც ბოღმა აქვს, დაუკმაყოფილებელი ამბიციები აქვს, ან სხვაგან ვერ რეალიზდა და ფიქრობს, მოდი, აქ ვცადოთ კიდევ ერთხელ. ასეთი ამბებისთვის მე არ ვარ მზად და ეს არ არის სათამაშო თემა,“ – განაცხადა დავით უსუფაშვილმა.დავით უსუფაშვილმა მის სამომავლო თანამშრომლობაზე პრეზიდენტთან და ირაკლი ალასანიასთანაც ისაუბრა და თქვა, რომ „მარგველაშვილთან დღემდე მქონდა ახლო და ნორმალური ადამიანური ურთიერთობა, ასევე ალასანიასთან. ამ ადამიანების გარდა, მე ხედავ კიდევ სხვა საინტერესო ადამიანებსაც ვისთანაც აუცილებლად მექნება საუბარი,“ – ამბობს უსუფაშვილი.