ამ დროისთვის უბნები დახურულია 50-ვე საარჩევნო ოლქში, დალუქულია საარჩევნო ყუთებიც და მიმდინარეობს კომისიის იმ წევრების შერჩევა, რომლებიც საარჩევნო ბიულეტენებს დაითვლიან.
ხმების დათვლის პროცესში ცესკოს დადგენილებით დღეს მონაწილეობას ვერ მიიღებენ ქართული ოცნებისა და ერთიანი ნაციონალური მოძრაობის წარმომადგენლები. საარჩევნო უბნის თავმჯდომარეს, ამ პარტიების წარმომადგენლების გარდა, ნებისმიერი პარტიის წარმომადგენლის არჩევის უფლება აქვს.
„კიდევ ერთხელ მოვუწოდებთ პოლიტიკური პარტიების წარმომადგენლებს, მათ აქტივისტებს და მათთან დაკავშირებულ სადამკვირვებლო ორგანიზაციებს შეინარჩუნონ სიმშვიდე, არ მოახდინონ სიტუაციის ესკალაცია და საშუალება მისცენ საარჩევნო კომისიის წევრებს მშვიდ გარემოში მოახდინონ ხმების დათვლა“, – განაცხადა „საერთაშორისო გამჭვირვალობა – საქართველოს“ აღმასრულებელმა დირექტორმა ეკა გიგაურმა.