,,კრწანისში'' მოკლული გიგა შენგელიას მამის შემდეგ თვითმკვლელობამდე მიყვანილი დემურ სტურუას დედაც აცხადებს რომ კითხვები გამოძიების მიმართ აღარ აქვს. კერძოდ, ადრინდელი განცხადებებისგან განსხვავებით ამბობს, რომ არ არის დარწმუნებული, რომ მისი შვილის გარდაცვალებაში ბრალი პოლიციელ გოდერძი თევზაძეს მიუძღვის.
ქალბატონი ამ განცხადების შემდეგ პროკურატურაში დაიბარეს, სადაც ის ჩვენებას 4 საათის განმავლობაში აძლევდა.
საპირისპიროს ამბობს დემურ სტურუას ბიცოლა. მისი თქმით, ერთადერთი მიზეზი, რის გამოც დედამ პოზიცია რადიკალურად შეცვალა, მატერიალური სარგებელია.
"სად გაექცევა წერილს, რომელიც დემურიკომ დაწერა და თქვა, რომ პოლიციელი გოდერძი მცემდა და მაშინებდაო. სად გაექცევა ექსპერტიზის პასუხს, სადაც ყველაფერი არის აღნიშნული. არ ვიცი რა დაემართა ჩემს რძალს. ის, რასაც 3 თვეა ვამტკიცებდით, ერთ დღეში რატომ გადაიფიქრა. დარწმუნებული ვარ, ჩემმა რძალმა პოზიციის შეცვლის სანაცვლოდ ფული აიღო,"-აცხადებს დარიკო ჯაში.