აზერბაიჯანში საქართველოს საელჩო ეხმაურება „პატრიოტთა ალიანსის“ ერთ-ერთმა ლიდერის დავით თარხან-მოურავის განცხადებას იმის შესახებ, რომ , რომ საქართველოს ხელისუფლების ზედმეტმა სირბილემ შესაძლოა ქვეყნის დაშლა გამოიწვიოს, კერძოდ , აზერბაიჯანს შეუძლია, მარნეულის რეგიონზე გამოთქვას პრეტენზია.
დიპლომატიურ წარმომადგენლობაში აღნიშნეს, რომ მსგავსი განცხადებები კატეგორიულად ეწინააღმდეგება საქართველოს ოფიციალურ კურსს და ქართველი ხალხის მენტალიტეტს. საქართველო და აზერბაიჯანი – ისტორიულად მოძმე ქვეყნები არიან, რასაც ადასტურებს წარსულის, აწმყოსა და მომავლის ერთობლივი გეგმები. ჩვენმა ხალხებმა დაამტკიცეს ერთმანეთისადმი მეგობრული ურთიერთობა, რელიგიური და ეთნიკური ტოლერანტობა, დაამყარეს მულტიკულტურალიზმის პრინციპებზე აგებული ღრმა კავშირები. ამიტომ, მსგავსი სახის განცხადებები, რომელსაც საზოგადოებაში მხარდაჭერა არა აქვს, სხვა არაფერია, თუ არა პოპულიზმი“.- ეს განცხადება საელჩომ სააგენტო „ტრენდთან“ საუბარში გააკეთა.