ლეიბორისტულ პარტიაში აცხადებენ, რომ არჩევნების გაყალბებაში სახელმწიფოს ყველა უწყება იყო ჩართული და ეს მოხდა ბიძინა ივანიშვილის მითითებით.
,„ბიძინა ივანიშვილი არის ქვეყნის დეფაქტო მმართველი. ბიძინა ივანიშვილის შუშის სასახლეში დაიხატა, დაიხაზა, დაიწერა არჩევნების შედეგები, ცესკო-მ გადაწერა და გამოაქვეყნა. ამ ბოროტმოქმედების ორგანიზატორი გახლავთ ივანიშვილი. მოვითხოვ გამოძახებული იქნას მოწმედ არჩევნების გაყალბების მთავარი ორგანიზატორი, ბიძინა ივანიშვილი,“- განაცხადა შალვა ნათელაშვილმა საქალაქო სასამართლოში, სადაც ლეიბორისტული პარტიის სარჩელის განხილვა მიმდინარეობს. პარტია რამდენიმე შემაჯამებელი ოქმის ბათილობას და ცალკეულ საარჩევნო ოლქებში ხელახალი კენჭისყრის ჩატარებას მოითხოვს და აცხადებს რომ ხელთა აქვს ყველა მტკიცებულება, რომ სარჩელში მითითებულ ოლქებში ცესკო-ს მიერ შემაჯამებელი ოქმები გაყალბდა.
ლეიბორისტულმა პარტიის ინტერესების დამცველებმა დააყენეს შუამდგომლობა რამდენიმე პირის მოწმედ გამოცხადების შესახებ, თუმცა სასამართლომ მათი შუამდგომლობა არ დააკმაყოფილა