,,ნათელი გახდა, თუ რატომ გაიყო ამ ადამიანების და თავისუფალი დემოკრატების გზები.'' – ასე გამოეხმაურა „თავისუფალი დემოკრატების“ ერთ-ერთი ლიდერი ნინო გოგუაძე პარტიის ყოფილი წევრების დავით ონოფრიშვილის, ზურაბ აბაშიძისა და გია ცაგარეიშვილის ერთობლივ განცხადებას დღეს პარლამენტში გამართულ პრესკონფერენციაზე, რომელშიც მათ ,,თავისუფალი დემოკრატების" მხარდამჭერებს მოუწოდეს, საპარლამენტო არჩევნების მეორე ტურში „ქართული ოცნების“ კანდიდატებს დაუჭირონ მხარი .
.,,თავისუფალი დემოკრატები'' პრინციპულ ოპოზიციაში ვართ ხელისუფლებასთან, რომელსაც ჰყავს პოლიტიკური პატიმრები კაბელების ბიჭების სახით, რომელსაც ჰყავს დამორჩილებული სასამართლო, რომელმაც შეტევა განახორციელა დამოუკიდებელ მედიაზე და ალბათ არჩევნების შემდეგ ეს შეტევა გაგრძელდება., ამიტომ ჩვენთვის მიუღებელია ამ ხელისუფლების მხარდაჭერისკენ მოწოდება – განაცხადა მან – "სამწუხაროა, რომ ზოგიერთი ჩვენი თანაპარტიელი ვერ გამოვიდა საბჭოთა მენტალიტეტიდან და ოპოზიციაში ყოფნა ანტი სახელმწიფოებრივი ქმედება ჰგონია. მათი ასეთი დამოკიდებულება, რომ ისინი თანამშრომლობას აპირებდნენ იმ ხელისუფლებასთან, რომლისგანაც ჩვენ ოპოზიციაში წამოვედით და დავტოვეთ თანამდებობები, ჩემთვის რბილად რომ ვთქვა, ძალიან გასაკვირია,"- განაცხადა ნინო გოგუაძემ.
რაც შეეხება არჩევნებში მხარდაჭერას, ჩვენ ვაფრთხილებთ ხელისუფლებას, საკონსტიტუციო უმრავლესობის საფრთხეებზე, იმიტომ, რომ დიახ, პოლიტიკოსების ამოცანაა, საზოგადოების ინფორმირება ამა თუ იმ შესაძლო საფრთხეზე. მაგრამ ჩვენ, „თავისუფალი დემოკრატები“ არ მოვუწოდებთ არც ერთ მოქალაქეს არავის მხარდაჭერისკენ, რადგან მიგვაჩნია, რომ მოქალაქეებმა თვითონ უნდა გააკეთონ არჩევანი ჩვენი მოწოდების გარეშე და თვითონ უნდა აიღონ პასუხისმგებლობა ამ არჩევანზე“