სახალხო დამცველი უჩა ნანუაშვილი აცხადებს, რომ აპარატთან ერთად საკუთარი ინიციატივით იწყებს ცენტრ ,,კრწანისში'' მომხდარ ფაქტის შესწავლას. „ჩვენ საკუთარი ინიციატივით დავიწყეთ აღნიშნული საქმის შესწავლა. ჩვენი წარმომადგენლები გუშინ იმყოფებოდნენ ადგილზე, გაესაუბრნენ იმ სავარაუდო მოწმეებს, მათ შორის, იმ პირებს, ვინც უშუალოდ მონაწილეობდა ამ ინციდენტში, კერძოდ, გუშაგებს, ისინი ადასტურებენ, რომ ეს პირები გადასული იყვნენ სამხედრო ტერიტორიაზე. ადამიანის უფლებების დარღვევის კუთხით ჩვენ ვერ ვხედავთ, რომ ჯერ რაიმე გამოიკვეთა, რადგანაც გამოძიება მიმდინარეობს და უნდა დაველოდოთ გამოძიებას.
მე ჯერ არ მიჩნდება კითხვები მაგრამ შესაძლოა, მაგრამ შესაძლოა იყო მართლაც იყო პრობლემური გარკვეული საკითხი – იყო თუ არა ყველა პროცედურა დაცული.
რაც შეეხება საქმეს, საქმესთან დაკავშირებით მასალები არ გაგვაჩნია. შესაბამისად, რამდენად სწორი კვალიფიკაციით მიმდინარეობს გამოძიება, ამაზე მოგვიანებით გვექნება რეაგირება“