საარჩევნო ადმინისტრაციამ განმუხურის 38 – ე უბანზე არასამთავრობო ორგანიზაციის ეგიდით მყოფ საკრებულოს წევრს გოდერძი კუკავას საარჩევნო უბანზე ყოფნის უფლება შეუწყვიტა. როგორც ცესკო-ს სპიკერმა ანა მიქელაძემ საინფორმაციო ბრიფინგზე განაცხადა, ამ დროისთვის, ზუგდიდის საოლქო-საარჩევნო კომისიაში შესულია ერთი საჩივარი. აღნიშნულ საჩივარში მითითებულია, რომ ზუგდიდში, ერთ-ერთ საარჩევნო უბანზე არასამთავრობო ორგანიზაციის ეგიდით საკრებულოს წევრი იმყოფებოდა.
„ინფორმაციის მიღების შემდეგ, საარჩევნო ადმინისტრაციამ დაუყოვნებლივ შეუწყვიტა აღნიშნულ პიროვნებას საარჩევნო უბანზე ყოფნის უფლება“, – განაცხადა ანა მიქელაძემ.