ჯიხაშკარის მოსახლეობის იმ ნაწილში, რომელმაც 8 ოქტომბერს ,, ნაციონალური მოძრაობის'' კანდიდატს დაუჭირა მხარი, არა აქვთ დიდი მოლოდინი იმისა, რომ დღეს ჩატარებულიკენჭისყრის შედეგები მათი თანამოაზრეების რეალური განწყობების ამასახველი იქნება. ამას იმით ხსნიან, რომ მათ სოფელში ,,ქართულმა ოცნებამ'' თავის მხარდამჭერთა მობილიზების პარალელურად ყველა ზომას მიმართა კონკურენტი პარტიის მხარდამჭერთა დაშინებისათვის.
ამჯერად წინა კენჭისყრისგან განსხვავებით, ქართული ოცნების აქტივისტებს არ დასჭირვებიათ ხმაურიანი ექსცესების მოწყობა, ისინი მშვიდად ელოდნენ კენჭისყრის დასრულებას და ,,ასპროცენტიან გამარჯვებას'', როგორც ამას აცხადებდა და დღესაც ღიად განაცხადა ,, ქართული ოცნების'' ზუგდიდის შტაბის ხელმძღვანელმა ლაშა გვასალიამ.
ძალიან ბევრმა ამომრჩეველმა, რომელმაც წინა კენჭისყრაზე ნაციონალური მოძრაობის სასარებლოდ მისცა ხმა, არგამოცხადება არჩია მათზე განხორციელებული ფსიქოლოგიური ზეწოლისა და აშკარა დაშინების მცდელობისადმი პროტესტის ნიშნად. მათი დაბალი აქტივობა სწორედ ამით აიხსნება — განმარტავენ ჯიხაშკარელები