ზუსტად 20:00 საათზე დაიხურა ყველა საარჩევნო უბანი ზუგდიდის საარჩევნო ოლქებში. დაწყებულია ხმის დათვლის წინა პროცედურები, .სამივე უბანზე ადგილზე იმყოფებიან საერთაშორისო ორგანიზაციების, ეუთოსა და Iri-ს დამკვირვებლები. გარეპერიმეტრზე მობილიზებულია პოლიცია და სულ უფრო მატულობს ხმის დათვლის პირველადი შედეგების მომლოდინე ადამიანების რიცხვი.
,,ოდიში ნიუსის'' კორესპონდენტი , რომელიც მთელი დღის მანძილზე მუშაობდა ჯიხაშკარის საარჩევნო უბნებზე, იტყობინება, რომ მოსახლეობა კმაყოფილებას გამოთქვამს, რომ დღე ექსცესების გარეშე დასრულდა, მაგრამ უკვე ხელშესახებად იგრძნობა შინაგანი დაძაბულობა.
,,ყველაფერი შეიძლება მოხდეს — აცხადებს ერთერთი ამომრჩეველი, რომელმაც 8 ოქტომბრის არჩევნებზე არჩევანი სანდრა რულოვსის სასარგებლოდ გაააკეთა და თვლის, რომ მის კანდიდატს უტყუარი გამარჯვება მოპარეს. – ახლა მთავარია ხმის დათვლა სრული ობიექტურობით ჩატარდეს, თუმცა მიმაჩნია, რომ დასაშვებია ორივე ვარიანტი: ან სანდრა რულოვსი, მიუხედავად ყველაფრისა ამჯერადაც გაიმარჯვებს, ან დააკლდება ხმები, რომელიც შეიძლება ამომრჩეველმა უკან წაიღო იმ მძლავრი ფსიქოლოგიური და ადმინისტრაციული ზემოქმედების პირობებში, რომელიც ბოლო დღეების მანძილზე იგრძნობოდა სოფელში.''
,,სოფელში ყველა ერთმანეთს ვიცნობთ და თვალში მაკლია არაერთი ადამიანი, რომელმაც წინა კენჭისყრაზე არჩევანი ნაციონალური მოძრაობის სასარგებლოდ გააკეთა, მაგრამ დღეს არ გამოცხადდა უბანზე, ალბათ საერთოდ არგამოცხადება არჩია ,,ქართული ოცნებისთვის '' ხმის მიცემას, რასაც მისგან მოითხოვდნენ. . ეს ის ადამიანებია, რომელთაც ,,შინ მიაკითხეს ან დაიბარეს'' '' – ამბობს რესპონდენტი, რომელმაც ვინაობის დასახელება არ ისურვა.
ჩვენს ხელთ არსებული ინფორმაციით, ჯიხაშკარის 79-ე უბანი 8 საათზე დაიხურა , სულ რეგისტრირებული 925 ამომჩევლიდან ხმა 560 ამომრჩეველმა მისცა . საუბნო-საარჩევნო კომისიის თავმჯდომარის ვლადიმირ მირცხულავას თქმით, ეს მონაცემი თითქმის იდენტურია 8 ოქტომბრის მონაცემებთან.
ასევე 8 საათზე დაიხურა 108-ე უბანი,სადაც 774 რეგისტრირებული ამომრჩევლიდან , კომისიის თავჯდომარის ნიკა ჩალიგავას თქმით, ხმა მისცა 436 ამომჩეველმა, რაც აქტივობის მაჩვენებლით 50 % -ზე მეტია.