აჭარის უმაღლესმა საარჩევნო კომისიამ (უსკო) არჩევნების შედეგები შეაჯამა და მეორე ტურის თარიღი გამოაცხადა. 

პროპორციული საარჩევნო სისტემით ჩატარებული არჩევნების შემაჯამებელი ოქმის მიხედვით, არჩევნებში მონაწილეობა მიიღო 163 419-მა ამომრჩეველმა, მიღებული ბიულეტენების რაოდენობამ კი როგორც პროპორციულ, ასევე მაჟორიტარულ არჩევნებში შეადგინა 585 400. ბათილად იქნა ცნობილი 12 622 ბიულეტენი (7 212 მაჟორიტარული, 5 410 პროპორციული), რაც გამოყენებული ბიულეტენების დაახლოებით 4 %-ია

. 8 ოქტომბრის პროპორციული სისტემით ჩატარებული არჩევნების შედეგების მიხედვით, 5%-იანი ბარიერი გადალახა ოთხმა  საარჩევნო სუბიექტმა:

„ქართული ოცნება – დემოკრატიული საქართველო“ – 45.13, რაც 8 მანდატს შეადგენს.  „ერთიანი ნაციონალური მოძრაობა“ – 29.62% , რაც 5 მანდატს შეადგენს. : „ნინო ბურჯანაძე – დემოკრატიული მოძრაობა“ – 5.89%, რაც 1 მანდატია.დავით თარხან-მოურავი, ირმა ინაშვილი – საქართველოს პატრიოტთა ალიანსი“ – 5.7%, რაც 1 მანდატია. 

არჩევნების მეორე ტური, საქართველოს პარლამენტის მაჟორიტარული არჩევნების პარალელურად, აჭარის ტერიტორიაზე არსებულ 5 ოლქში გაიმართება, ხოლო ერთ – ხულოს N73 მაჟორიტარულ საარჩევნო ოლქში, არჩევნების მეორე ტური მხოლოდ აჭარის ავტონომიური რესპუბლიკის უმაღლესი საბჭოს მაჟორიტარული საარჩევნო სისტემით ჩატარდება.

მაჟორიტარული არჩევნების მეორე ტურში მონაწილეობას მიიღებენ საუკეთესო შედეგის მქონე 2 საარჩევნო სუბიექტის, ანუ „ქართული ოცნება – დემოკრატიული საქართველოსა“ და „ერთიანი ნაციონალური მოძრაობის“ კანდიდატები. 

რაც შეეხება მეორე ტურის თარიღს, უსკოს განკარგულებით, 2016 წლის 8 ოქტომბრის მაჟორიტარული არჩევნების მეორე ტურის თარიღად 30 ოქტომბერი გამოცხადდა.