საპარლამნეტო არჩევნებზე დამკვირვებლის სტატუსით მყოფი არასამთავრობო სექტორის მიერ წარდგენილი ანგარიშიდან ირკვევა, რომ საარჩევნო ადმინისტრაციის თანამშრომლებს შესაბამისი კვალიფიკაცია არ ქონდათ. ახალგაზრდა იურისტთა ასოციაციის თავმჯდომარე ანა ნაცვლიშვილის განცხადებით, 8 ოქტომბერს გამართულ არჩევნებზე დაფიქსირდა არაერთი ფაქტი, როცა კომისიის თავმჯდომარემ დამკვირვებლის მიერ დაფიქსირებული საჩივარი არ ჩაიბარა, რაც არაკვალიფიციურობაზე მეტყველებს.საარჩევნო კოდექსის არცოდნის ფაქტებზე ამახვილებს ყურადღებას „საზოგადოებრივი დამცველის“ წარმომადგენელი დემეტრე ლომაძე.
”საქმე გვაქვს მასობრივ არაპროფესიონალიზმთან. დაფიქსირდა ფაქტები, როცა მაგალითად კომისიის თავმჯდომარემ არ ჩაიბარა საჩივარი და ეგონა, რომ ამით პრობლემა აიცილა თავიდან. ასევე დაფიქსირდა კოდექსის არცოდნის შემთხვევებიც, მაგრამ მაინც მგონია, რომ ყველაფერი საარჩევნო კოდექსს უკავშირდება, ვინაიდან იქ არ არის გათვალისწინებული, რა არ ეპატიება საარჩევნო კომისიის წევრს”, – განაცხადა ლომაძემ.