საქართველოს ექსპრეზიდენტი მიხეილ სააკაშვილი თავის ფეისბუქგვერდზე აქვეყნებს ვიდეომიმართვას ერთიანი ნაციიონალური მოძრაობისა და მისი მხარდამჭერებისადმი.
,,თვალი გადავავლე ქართულ დებატებს და დისკუსიებს. მინდა გითხრათ, რომ რამდენიმე დღე მოწყვეტილი ვიყავი ამას და ერთი რამ მინდა გითხრათ: მე არასოდეს, წინასაარჩევნო გამოსვლებში, მითქვამს რომ არჩევნების პირველი ტურის დასრულებამდე ჩამოვიდოდი საქართველოში , საქმე იმაშია, რომ თუ პირველი ტურის დასრულებამდე ჩამოვიდოდი, იგივე ის ხალხი, რომლებიც მიკიჟინებენ, თუ რატომ არ ჩამოვედი, გამომაცხადებდა სახიფათო პროვოკატორად და ივანიშვილს მიეცემოდა საფუძველი დავედანაშაულებინე მე პირადად და ჩვენი მომხრეები სამოქალაქო დაპირისპირების ინსპირირებაში.
ჩემი პოზიცია იყო ყოველთვის ძალიან ნათელი, ჩვენ ვაპირებდთ პირველ ტურში გამარჯვებას და შემდეგ უკვე ვაპირებდი ჩამოსვლას მეორე ტურისთვის და ასევე არჩევნების დაცვაში მონაწილეობის მიღებას.
მაგრამ მოხდა ის, რაც მოხდა – უპრეცენდენტო მასშტაბის მანიპულაციები და გაყალბება პიველი ტურის და როგორ უნდა მოხდეს ამაზე რეაგირება , ეს ადგილზე მყოფი ლიდერების და აქტივისტების გადასაწყვეტია, რადგან ისინი უკეთ ხედავენ.
ერთი რამ ჩემთვის მზესავით ნათელია – ნაციონალურმა მოძრაობამ მანიპულაციებისა და გაყალბების გათვალისწინებით მიიღო 600 ათასზე მეტი ხმა. ეს არის ძალიან ბევრი ამ რეპრესიებისა და ზეწოლის პირიბებში. ხალხმა გაიგო, რომ ივანიშვილმა ჩაიდინა დიდი მანიპულაციები და არჩევნების გაყალბება ( ეს პრაქტიკულად მთელმა საქართველომ იცის). ეს რუსი ოლიგარქის მმართველობის დასუსტების შეუქცევადი პროცესია, მიუხედავად იმისა, ვინ რას ფიქრობს და საბოლოო ჯამში მიგვიყვანს ჩვენ გამარჯვებამდე.
ახლა მნიშვნელოვანია ერთიანობა, მნიშვნელოვანია საბრძოლო განწყობა, მნიშვნელოვანია არშეგუება ამ აფიორასთან, მანიპულაციებთან და ზეწოლასთან. ვიცი, რომ ეს რთულია, მაგრამ საბოლოო ჯამში ყველაფერი გამოვა. აბა, თქვენ იცით! – აცხადებს მიხეილ სააკაშვილი