საუდის არაბეთის  საგარეო საქმეთა სამინისტროს ინფორმაციით, განაჩენი, რომელიც  პრინც თურქი ბინ საუდ ალ-ქაბირს 2014 წელს გამოუტანა სასამართლომ არაბეთის მოქალაქის მკვლელობისათვის, სისრულეშია მოყვანილი. 

 ეს პირველი შემთხვევაა   საუდის არაბეთის მონარქიის ისტორიაში,  როცა სამეფო ოჯახის წევრი სიკვდილით დასაჯეს.

პრინცმა მკვლელობა ჩაიდინა ქვეყნის დედაქალაქის ერ  რუიადის ერთ-ერთ განაპირა რაიონში, ე.წ კარვების დასახლებაში  ატეხილ ჯგუფურ  ჩხუბში,  მან ცეცხსასროლი იარაღით  დაცხრილა თავისივე მეგობარი ადილ ალ-მჯემიდი და მძიმედ დაჭრა კიდე ერთი ახალგაზრდა მამაკაცი. აღსანიშნავია, რომ ამის სემდეგ პრინცმა თავად გამოიძახა პოლიცია და  აღიარა დანაშაული.

სამეფო კარმა სცადა მრავალმილიონიანი კომპენსაცია შეეთავაზებინა მოკლულის ოჯახისათვის პრინცისთვის  სასჯელის შემსუბუქებაზე თანხმობის სანაცვლოდ,   მაგრამ  მიიღო პასუხი, რომ ,, ვერ მიიღებს ფულს, რომელსაც სისხლის სუნი აქვს და განაჩენი სისრუეში უნდა იქნეს მოყვანილი, რათა სამართალი  აღსრულდეს''.

 ბრძანება განაჩენის სისრულეში მოყვანის შესახებ სამეფო განკარგულებით არის სანქცირებული. მასში ნათქვამია, რომ კანონის წინაშე უნდა აგოს პასუხი ყველამ, ვინც ხელს აღმართავს უდანაშაულო ადამიანებზე და დაღვრის მათ სისხლს. 

საუდის არაბეთში მოქმედიშარიათის  კანონების თანახმად, მკვლელობა, ნარკოტიკული საშუალებების კონტრაბანდა, შეიარაღებული ძარცვა, გაუპატიურება და მკრეხელობა სიკვდილით ისჯება. სააგენტო ფრანს პრესის ცნობით,  პრინც თურქი ბინ საუდ ალ ქაბირის სიკვდილით დასჯა  134 – ე შემთხვევაა  მიმდინარე წლის ქრონიკაში. .Amnesty International-ის ცნობით კი, გასულ წელს საუდის არაბეთში 158 ადამიანი დასაჯეს სიკვდილით.

 

 

 

.