ამიერიდან ქალაქ გალს თავისი გერბი აქვს – განაცხადა გალის ადმინისტრაციის უფროსის მოვალეობის შემსრულებელმა თემურ ნადარაიამ აფხაზეთის მედიის მუშაკთა ასოციაციაში გამართულ პრესკონფერენციაზე. მან დამსწრეთ წარუდგინა რაიონის საკრებულოს მიერ მიღებული გერბის ესკიზი და განმარტა მისი ცალკეული ნაწილების სიმბოლიკა.
,,ამომავალი მზე გალის, როგორც აფხაზეთის უკიდურესი აღმოსავლეთი რაიონის სიმბოლოა, ცისფერი ფონი – მშვიდობიანი ცისა. ზედა ლენტი ეროვნული დროშის ფერებშია გადაწყვეტილი . გერბის შუანაწილში მოცემულია ჩაჩბების სამეფო გვარისა და სამურზაყანოს მფლობელის მურზაყან ჩაჩბას გერბი. ქვედა ნაწილში გამოსახული თეთრჩაბალახიანი ოქროს მხედარი არის თლაბგან ქეცბა, რომლის სახელს უკავშირდება გალის დაარსება. თხილის ხე გერბის მარჯვენა ქვედა კუთხეში სიცოცხლისა და სიმდიდრის სიმბოლოა ( ქრისტიანობამდელ ეპოქაში აფხაზთა საზრისით თხილის ხე სიმდიდრის ა და შეძლების სიმბოლოს წარმოადგენდა), ხოლო ხეს შემოხვეული სურო – დღეგრძელობის სიმბოლო'' – განაცხადა ნადარაიამ.