საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვითაც, ეროვნული ვალუტის კურსი დოლართან მიმართებაში გაუფასურდა. დღეიდან ერთი დოლარის ოფიციალური ღირებულება, 2.3527 ლარის ნაცვლად, 2.3537 ლარი გახდა.
ეროვნული ბანკის მონაცემებით, ლარის კურსი ევროსთან მიმართებაშიც გაუფასურდა. დღეიდან ერთი ევროს შეძენა 2.5942 ლარად იქნება შესაძლებელი. გუშინ მოქმედი კურსი კი 2.5920 ლარს შეადგენდა.
ეროვნული ბანკი ოფიციალურ კურსს ბანკთაშორისი ვაჭრობის საფუძველზე ყოველი სამუშაო დღის ბოლოს ადგენს. უქმეებთნ დაკავშირებით კი ეს კურსი ორშაბათ საღამომდე იმოქმედებს.