შსს-ში საგანგებო ბრიფინგი გამართეს, რომელზეც დაადასტურეს, რომ სამართალდამცველებმა მარნეულის რაიონის სოფელ ყიზილაჯლოში 48-ე საარჩევნო უბანში საარჩევნო კომისიის წევრების მუშაობისთვის ხელის შეშლის და პოლიციისათვის წინააღმდეგობის გაწევის გამო 163 და 353 მუხლებით გათვალისწინებული დანაშაულისათვის 6 პირი დააკავეს. უწყებაში განმარტავენ, რომ გამოძიების ინფორმაციით  აღნიშნული პირები საარჩევნო უბნის მიმდებარე ტერიტორიაზე განსაკუთრებული აგრესიით გამოირჩეოდნენ და მათ სამართალდამცველებს ქვები დაუშინეს. როგორც შსს-ში განაცხადეს თავდამსხმელებმა საარჩევნო ყუთის გატაცება ვერ შეძლეს.უწყების ცნობით გამოძიებას შსს-ს ქვემო ქართლის პოლიციის დეპარტამენტი სისხლის სამართლის კოდექსის 162-ე პრიმა მუხლით აწარმოებს.