საქართველოს პრეზიდენტს პროდასავლური პარტიების დაშლა და დასუსტება სავალალოდ და სამწუხაროდ მიაჩნია. ამის შესახებ პრეზიდენტის პრესსპიკერმა ეკა მიშველაძემ დღეს გამართულ პრესკონფერენციაზე განაცხადა.
”პრეზიდენტმა არჩევნების წინა დღეს განაცხადა და იმედიც გამოთქვა, რომ ქვეყანას ეყოლებოდა მრავალპარტიული საკანონდებლო ორგანო. სამწუხაროდ პარლამენტში არ არის წარმოდგენილი პოლიტიკური პარტიების ფართო სპექტრი.
უნდა აღინიშნოს, რომ ეს შედეგი არის განპირობებული იმ საარჩევნო სისტემით, რომელიც დღეს გვაქვს, რომლის შეცვლაზეც ძალისხმევა არ დაუკლია საქართველოს პრეზიდენტს, მაგრამ მიუხედავად მისი მცდელობისა, ეს სისტემა არ და ვერ შეიცვალა.
რაც შეეხება კითხვას, პროდასავლურ პარტიებზე, ასეთ მოცემულობაში პარტიების დაშლა და დასუსტება პრეზიდენტს მიაჩნია, რომ არის სავალალო და სამწუხარო”, -განაცხადა ეკა მიშველაძემ.