ვლადიმერ პუტინის ვიზიტი საფრანგეთში, რომელიც 19 ოქტომბერს იყო დაგეგმილი, არ შედგება – პუტინმა გამგზავრება გადაიფიქრა მას შემდეგ, რაც გაირკვა, რომ ფრანსუა ოლანდი რუს კოლეგასთან მხოლოდ სირიის საკითხზე სასაუბროდ გეგმავდა შეხვედრას,
ამ გადაწყვეტილებას წინ უძღოდა ფრანსუა ოლანდის განცხადება მედიისათვის, რომლის თანახმად, პუტინთან შეხვედრას აზრი არა აქვს, თუ არ იქნება სირიასთან დაკავშირებული საკითხის ექსკლუზიური განხილვა და თუ პუტინი ამისთვის მზად არ არის, იგი არ შეხვდება მას. საფრანგეთის პრეზიდენტმა არ გამორიცხა, რომ სირიის ქალაქ ალეპოს დაბომბვის გამო, რუსეთს სამხედრო დანაშაულის ბრალი წარედგინოს.
ექსპერტების აზრით, ასეთი განცხადების შემდეგ პარიზში გაფრენა რუსეთის კულტურული ცენტრის გახსნისთვის, რაც ოლანდთან აწ უვე ჩაშლილი შეხვედრის პარალელურად იყო დაგეგმილი ვიზიტის ფარგლებში , პუტინისთვის ნიშნავს სახის დაკარგვას თავის ქვეყანაში. რუსული რეჟიმი ჩიხშია – მას არ სურს გახდეს ,,თავისუფალი სამყაროს'' ნაწილი, რადგან იქ თავის თავს მხოლოდ ღარიბი ნათესავის როლში ხედავს, და ამავე დროს არა აქვს ძალა იყოს ძლიერი სუვერენული სახელმწიფო, რომელსაც ძალუძს დამოუკიდებლად გაუმკლავდეს შიდა გამოწვევებს, სწორედ ეს შინაგანი გაურკვევლობაა იმის მიზეზი, რომ იგი თვთგანკვეთილის მდგომარეობაში რჩება.