ნუგზარ წიკლაური: ”ნაციონალურმა მოძრაობამ” მარტო უნდა დატოვოს პარლამენტში ის პარტია, რომელმაც ეს არჩევნები გააყალბა.

0
367
”ერთიან ნაციონალურ მოძრაობაში” აზრთა სხვადასხვაობაა – ამის შესახებ პარტიის წევრმა ნუგზარ წიკლაურმა ჟურნალისტებთან საუბრისას განაცხადა. თუმცა წიკლაურმა აღნიშნა, რომ პარტიის ყველა წევრისთვის გუნდის ერთობა მნიშვნელოვანია. 
კითხვაზე, უნდა შევიდეს თუ არა ”ერთიანი ნაციონალური მოძრაობა” პარლამენტში, ნუგზარ წიკლაურმა უპასუხა, რომ ”ნაციონალურმა მოძრაობამ” მარტო უნდა დატოვოს პარლამენტში ის პარტია, რომელმაც ეს არჩევნები გააყალბა.
”გაყალბების ხარისხი იყო ისეთი, რომ „ნაციონალურმა მოძრაობამ“ მარტო უნდა დატოვოს პარლამენტში ის პარტია, რომელმაც ეს არჩევნები გააყალბა. სხვა ნებისმიერ შემთხვევაში, ჩვენ, ნებით თუ უნებლიეთ, მივცემთ მათ შესაძლებლობას რომ რაღაც დემოკრატიულობის ფასადი ჩამოაფარონ იმას, რასაც არანაირი კავშირი არ აქვს დემოკრატიასთან და თავისუფალ არჩევნებთან… 
პარტიაში აზრთა სხვადასხვაობა არის, იმიტომ რომ ღიად პარტიის გარკვეულმა წარმომადგენლებმა თავისი პოზიცია გამოაქვეყნეს, არსებობს სხვა პოზიციაც. მე არ ვფიქრობ, რომ ამას აქვს რაიმე დაპირისპირების სახე. ყოველ შემთხვევაში პარტიის ერთობა არის ძალიან მნიშვნელოვანი ღირებულება და დარწმუნებული ვარ ყველა ჩვენი თანამებრძოლი გაუფრთხილდება ამ ერთობას”, – განაცხადა ნუგზარ წიკლაურმა. 
დღეს, 19:30 საათზე, ”ერთიანი ნაციონალური მოძრაობის” ოფისში პარტიის პოლიტსაბჭოს სხდომა გაიმართება, რომელზეც პარტიის მომავალ სამოქმედო გეგმაზე უნდა იმსჯელონ.
წინა სტატიაგიგა ბოკერიას პირადი პოზიცია: ნაციონალური მოძრაობა აუცილებლად უნდა შევიდეს პარლამენტში და მიიღოს მონაწილეობა არჩევნების მეორე ტურში.
შემდეგი სტატიაფრანსუა ოლანდი არ შეხვდება ვლადიმერ პუტინს, რომელიც არ აღმოჩნდა მზად მხოლოდ სირიის საკითხზე სასაუბროდ
ტელეკომპანია ოდიშის საინფორმაციო სამსახური