”ნაციონალური მოძრაობისგან” ველოდები, რომ როდესაც დრო მოვა, მოპოვებულ მანდატებს დაიკავებენ, – ამის შესახებ საქართველოში ამერიკის შეერთებული შტატების ელჩმა იან კელიმ ჟურნალისტებს განუცხადა. როგორც კელიმ აღნიშნა, ამერიკის შეერთებული შტატები მხარს უჭერს საქართველოს. ''დემოკრატიული განვითარების ყველაზე მნიშვნელოვანი ნაწილი არის მრავალპარტიული და პლურალისტური დემოკრატია. მე ვფიქრობ, რომ ”ერთიან ნაციონალურ მოძრაობას” აქვს კარგი კამპანია. ისინი ამ კამპანიით ამაყები უნდა იყვნენ. მე მათგან ველოდები, რომ ამ სიტუაციას მიუდგებიან მშვიდობიანი კუთხით და როდესაც დრო მოვა, დაიკავებენ მოპოვებულ მანდატებს. იმედი გვაქვს,  მოიქცევიან ისევე პროფესიონალურად, როგორც პირველ ტურში მოიქცნენ”,- განაცხადა იან კელიმ.