გადალახა თუ არა პატრიოტთა ალიანსმა 5 პროცენტიანი ბარიერი? – საბოლოო პასუხი ცენტრალურ საარჩევნო კომისიას ჯერ არ აქვს. ცეესკომ პარტიის მიერ 5 პროცენტიანი ბარიერის გადალახვა გუშინ, დღის ბოლოს დაადასტურა. თუმცა, საარჩევნო ადმინისტრაცია არ გამორიცხავს, რომ 6 უბნის მონაცემების გაბათილების შედეგად, პატრიოტთა ალიანსს პარლამენტში მოსახვედრად საჭირო რაოდენობის ხმები ისევ დააკლდეს. ცეესკოს წინასწარი მონაცემებით, პროპორციულ არჩევნებში ქართულმა ოცნებამ ხმების 48,67 %, ერთიანმა ნაციონალურმა მოძრაობამ კი 27,11 % მიიღო. პატრიოტთა ალიანსს, ამ დროის მონაცემებით, 5,1 % აქვს.ხმების 4,62 % მიიღო თავისუფალმა დემოკრატებმა, 3,14 % ლეიბორისტულმა პარტიამ, 1,55 % კი რესპუბლიკელებმა.ეს წინასწარი შედეგებია. საარჩევნო უბნებზე ხმების დათვლა დაასრულებულია. ცესკოს არჩევნების საბოლოო და დაზუსტებული მონაცემების გამოსაქვეყნებლად ვადა 27 ოქტომბრამდე აქვს, მეორე ტურების შემთხვევაში კი – 21 ნოემბრამდე.