ცესკო-ს ბოლო მონაცემებით ,ზუგდიდის რაიონში (თემში) "ქართული ოცნების" კანდიდატ ედიშერ თოლორაიასა და "ნაციონალური მოძრაობის" კანდიდატ სანდრა რულოვსს შორის სავარაუდოდ მეორე ტური დაინიშნება. ზუგდიდის საოლქო საარჩევნო კომისიის ინფორმაციით, სულ ამ ოლქში ხმა მისცა 23 609 ამომრჩეველმა, საიდანაც თოლორაიამ 10 774 ხმა მიიღო, ხოლო რულოვსმა – 10 467.
როგორც საოლქო კომისიაში აცხადებენ, ამ ოლქში 49 უბნიდან 47-ის შედეგები დათვლილია, ხოლო ორი უბანი (ჯიხაშკარში) გაუქმდა. ამ მონაცემებით, იმისთვის, რომ რომელიმე კანდიდატს პირველ ტურში გაემარჯვებინა მინიმუმ 11 229 ხმა უნდა მოეგროვებინა.