„ნაციონალური მოძრაობის“ მაჟორიტარი დეპუტატობის კანდიდატმა სანდრა რულოვსმა ამომრჩევლებს ნდობისთვის მადლობა გადაუხადა და საპარლამენტო არჩევნები შეაფასა. „ვამბობდი რომ 9 ოქტომბერი ჩვენი გამარჯვების დასაწყისია და მართლაც ასეა, ბრძოლა ჯერ არ დამთავრებულა, მე პირნათლად მოვიგე ზუგდიდის მუნიციპალიტეტი. მოდიოდა დამაჯერებელი შედეგები უბნებიდან, გამარჯვება იყო ყველა უბანში, თუნდაც ინგირში, სადაც მოვუგე ედიშერ თოლორაის, ეს იყო მისი სოფელი და ეს მეტყველებს იმაზე, რომ სხვაგანაც არ გაგვიჭირდებოდა მოგება. მე აღშფოთებული ვარ იმით, რაც მოხდა ქვეყანაში, იყო დაშინებები, ძალადობა, ზეწოლა, ყუთების დამტვრევა, რის გამოც ბათილად ცნეს ჩვენი ბიულეტენები. მე არანაირად არ ვეგუები ამ შედეგებს და ვაგრძელებ ბრძოლას. მადლობას ვუხდი თითოეულ ამომრჩეველს ამ უზარმაზარი ნდობისთვის და გპირდებით ყველას, დავიცავ თქვენს ხმებს ბოლომდე, რათა ღირსეულად შევიდე პარლამენტში, ცესკომ შედეგები დაგვიანა, ჩანს, რომ გაყალბების ძალიან დიდი მასშტაბი დაფიქსირდა. მე შევხვდები დიპლომატიურ კორპუსს, დამკვირვებლებს და მივაწვდი დეტალურ ინფორმაციას, რაც მოხდა ზუგდიდში.ამის მოტივაციას მაძლევს ჩემი ამომრჩეველი, მე ჩემს ამომრჩევლებს ასე არ დავტოვებ. თქვენ უკვე დააფიქსირეთ თქვენი პოზიცია და მე ამ პოზიციას გავამყარებ. მივმართავ ცესკოს, მას ჯერ კიდევ აქვს დრო გამოასწოროს შცდომა და დადოს რეალური შედეგები“- განაცხადა სანდრა რულოვსმა.