ზუგდიდში ერთიანი ნაციონალური მოძრაობის მაჟორიტარი დეპუტატობის კანდიდატების ბანერების შეღებვასთან დაკავშირებით, შინაგან საქმეთა სამინისტრომ გამოძიება სსკ 187-ე, სხვისი ნივთის დაზიანების ან განადგურების ფაქტზე დაიწყო. .
აღნიშნული დანაშაული ისჯება ჯარიმით ან საზოგადოებისათვის სასარგებლო შრომით ვადით ასიდან ას ოთხმოც საათამდე ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ერთიდან სამ წლამდე
შეგახსენებთ, დღეს „ნაციონალური მოძრაობის“ მაჟორიტარი კანდიდატების სანდრა რულოვსისა და ლევან კონჯარიას ბილბორდები, რომელიც ქალაქში, მე-4 სკოლის მიმდებარე ტერიტორიაზეა განთავსებული, შავი ფერის საღებავები შეასხეს.