საჯარო სამსახურში დასაქმებული პირები ამომრჩეველს აიძულებენ, რომ მათთვის სასურველ კანდიდატს მისცენ ხმა. ზუგდიდის მუნიციპალიტეტის სოფლებში ზედა ეწერში, რიყესა და კორცხელში საარჩევნო უბნების შესასვლელებთან დილიდან იმყოფებიან საჯარო მოხელეები, მათ შორის სოფლის რწმუნებულები. მათ ავტომობილებზე მიმაგრებულია საშვები, რომლის გაცემა საჯარო მოხელეებისათვის არამართლზომიერია. ადგილი აქვს ამომრჩევლის მანქანაში ჩასმისა და მათთან ,,გასაუბრების '' ფაქტებს, თვითმხილველების ცნობით, ამ გასაუბრებაზე ისინი მმართველი პარტიის სასარგებლოდ ხმის მიცემას მოითხოვენ ამომრჩევლებისგან. ზედა ეწერის საარჩევნო უბნის შესასვლელთან თავისი ავტომობილით დილიდან იდგა სკოლის დირექტორი ზაზა კოკაიაც, რომელიც არსებული მონაცემებით, ახლო ნათესაურ კავშირშია ზუგდიდის მუნიციპალიტეტის გამგეობის თანამშრომელთან თენგიზ ქობალიასთან, ჟურნალისტების დანახვაზე მან სასწრაფოდ მოხსნა მანქანას საშვი და გაიყვანა ტერიტორიიდან, თუმცა კამერებმა მოასწრეს მისი დაფიქსირება.
საჯარო სამსახურში დასაქმებული პირები ამომრჩევლისგან მოითხოვენ მათთვის სასურველ კანდიდატს მისცენ ხმა(video)
Published on