ოდესის ოლქის გუბერნატორმა უკრაინული ტელეკომპანია 112-ის ეთერში განაცხადა, რომ საქართველოში 8 ოქტომბრის არჩევნების შემდეგ ჩასვლას გეგმავს. თუმცა მმართველი პარტია და მისგან მართული მედია ამ ინტერვიუს კონტექსტიდან ამოგლეჯილად აქვეყნებს და, თუ სოც ქსელში ,,ქართული ოცნების'' მომხრეთა ყიჟინით ვიმსჯელებთ, ზეიმობს, რომ ,,სააკაშვილი საქართველოში ჩამოსვლას უფრთხის''
აი, რა განაცხადა სინამდვილეში მიხეილ სააკაშვილმა:
ჩემს პარტიას საქართველოში მაღალი მხარდაჭერა აქვს , რაც ბოლო მიტინგმაც დაადასტურა:
"წარმოიდგინეთ, პირადად ჩემ შესახებ 24-სერიიანი ფილმი გადაიღეს, რომელსაც ყველა თავიანთ არხზე აჩვენებენ. ეს ფილმი 20 მილიონ დოლარზე მეტი დაუჯდათ. წარმოგიდგენიათ, როგორ ეშინიათ ჩემი ამ მეოცნებეებს ივანიშვილის პრორუსული პარტიიდან? მათ ჩემზე საქმე აღძრეს, მაგრამ ცოტა ხნის წინ თბილისის ცენტრში აქცია გაიმართა, სადაც 70 000-მდე ადამიანი იმყოფებოდა. ეს ძალიან ბევრია, დაახლოებით იმდენია, მაგალითად, უკრაინაში რომ გამოსულიყო 500 000 ადამიანი. ეს იმას ნიშნავს, რომ თითს ვერავინ დამაკარებს იმ პირობებში, როდესაც თითქმის მთელი პოლიცია ჩვენ მხარეზეა, შეიარაღებული ძალები ჩვენ მხარეზეა, ანუ სახელმწიფოებრიობის და კანონის მხარეზე. ივანიშვილის სამართალდამცველებს არ ეყოფათ ძალა, მე რომ მომწვდნენ. მათ ხელები ძალიან მოკლე აქვთ. რა თქმა უნდა, მე რომ საქართველოში ვყოფილიყავი, არჩევნებში გამარჯვება უფრო მარტივი იქნებოდა. თუმცა ახლა ჩემი პარტია ლიდერობს, ჩემი მეუღლე საქართველოში ერთ-ერთი ყველაზე პოპულარული ლიდერია. ვფიქრობ, ამ არჩევნების გამარჯვების ძალიან კარგი შანსები გვაქვს. უკრაინასთან დაკავშირებით დიდი გეგმები მაქვს, მე აქ ისე არ ჩამოვსულვარ, მე არ ვარ გასტროლიორი, არ ვფიქრობ, რომ აქ ბრძოლის ველი უნდა მივატოვო. თუმცა აუცილებლად, არჩევნების შემდეგ მე ჩავალ საქართველოში, მე დავეხმარები ჩემს ქვეყანას, ავიღებ შვებულებას საკუთარ ხარჯზე და უახლოეს დღეებში გარკვეულ პროცესებში ჩავერთვები. წინასაარჩევნო პერიოდში მხოლოდ იმიტომ არ ჩამოვედი, რომ ხელისუფლება ამას ძალადრობრივი ქმედების საბაბად გამოიყენებდა", – განაცხადა მიხეილ სააკაშვილმა.