ცენტრალურ საარჩევნო კომისიასთან ამ წუთებში სამართალდამცავები არიან მობილიზებულნი. ტერიტორიაზე უსაფრთხოების ზომებს აძლიერებენ. ადგილზე დაახლოებით 100-მდე პოლიციელი იმყოფება და ცესკო-ს შენობის გარშემო კორდონი აქვთ გაკეთებული.
"ერთიანი ნაციონალური მოძრაობის წევრები" პირველად გამოცხადებულ შედეგებს და ცესკოს დაგვიანებულ რეაქციას აპროტესტებენ.
ცესკო-ს შენობასთან უკვე მისული არიან „ერთიანი ნაციონალური მოძრაობის" წევრები. ისინი გამაფრთხილებელი აქციის ჩატარებას გეგმავენ., შენობის მიმდებარე ტეროტორიაზე ხმის გამაძლიერებლებია დამონტაჟებული.
პარტიის წარმომადგენლის ლევან თარხნიშვილის თქმით, ეს არის გამაფრთხილებელი აქცია და მას მოჰყვება ბევრად უფრო მასშტაბური აქციები, თუ ცესკო არ დააფიქსირებს ქართველი მოსახლეობის რეალურ არჩევანს.
სერგო რატიანი აცხადებს, რომ ,,ცესკო აქვეყნებს დაკვეთას და რეალურად სულ სხვა ფონი გვაქვს. ფაქტია, რომ ჩვენ ვეყრდნობით იმ მონაცემებს რომელიც მოდის უბნებიდან და სრულიად სხვა მონაცემებია ისინი და ცესკო კი აქვეყნებს დაკვეთას და ქმნის სხვა ფონს დღეს კი სულ სხვა ფონია.იმედია, ოლიგარქი მიხვდება რომ რეალობა არის სხვა და ის შეჩერდება.''