ზუგდიდის შალვა დადიანის სახელობის პროფესიული სახელმწიფო დრამატული თეატრის მსახიობს ზურაბ ლაშხიას კორცხელის 53 – ე საარჩევნო უბანში შესვლისა და ხმის მიცემის საშუალება არ მისცეს. კომისიის თავმჯდომარე ამის მიზეზს ხსნის იმით, რომ მას შემდეგ, რაც 20 00 საათი შესრულდა, ხმის მიცემის უფლება მიეცათ მხოლოდ მათ, ვინც ამ დროისათვის რიგში იდგა.
ზურაბ ლაშხია აცხადებს, რომ ჯანმრთელობის მოულოდნელი გაუარესების გამო მან ვერ შეძლო საარჩევნო უბნის ეზოში დალოდებოდა თავის რიგს და მცირე ხნით გავიდა ამ ტერიტორიიდან, თუმცა როცა დაბრუნდა, რიგში მდგომთა სიები უკვე შედგენილი იყო და მასში ჩაწერაზე უარი უთხრეს.
ზურაბ ლაშხია აცხადებს, რომ იგი წლებია სწორედ ამ უბანშია დარეგისტრირებული, აქვს თავისი ნომერი საარჩევნო სიაში , სრულ წესრიგში ავს დოკუმენტაცია, ჰყავს უამრავი მოწმე, რომელიც ხმის მიცემის ბოლო საათს მას რიგში ხედავდა და ამ უარში სხვა მოტივაციას ხედავს. იგი თვლის, რომ საარჩევნო კომისიამ დაარღვია მისი, როგორც ამომრჩევლის უფლებები.