GFK-ის ეგზიტპოლის პირველადი შედეგების თანახმად, "ქართულ ოცნება – დემოკრატიულ საქართველოს" გამოკითხულთა – 39,9 % უჭერს მხარს, ხოლო "ერთიან ნაციონალურ მოძრაობას" – 32,74%.
GFK-ის ეგზიტპოლის პირველადი შედეგებით, 5%-იანი ბარიერის გადალახვას ასევე ახერხებს „საქართველოს პატრიოტთა ალიანსი“, რომელსაც აღნიშნული მონაცემებით 5,76% უჭერს მხარს.
როგორც ”რუსთავი 2” აღნიშნავს, ამ დროისთვის დათვლილია გამოკითხულ ამომრჩეველთა 90%-ის მონაცემები.
GFK-მა ეგზიტპოლი ტელეკომპანია „რუსთავი 2“-ის დაკვეთით ჩაატარა, ხოლო კვლევის საველე სამუშაოები „ბისიჯიმ“ ჩაატარა .
GFK-ს ვიცე პრეზიდენტი, ვადიმ ვოლოსი, აცხადებს, რომ სრული შედეგები 21 საათისთვის იქნება ცნობილი.
ამ დროისთვის არსებული მონაცემებით, ქართული ოცნების და ნაციონალური მოძრაობის გარდა, ბარიერის გადალახვის შანსი კიდევ სამ პარტიას – ლეიბორისტებს, სახელმწიფო ხალხისთვის და თავისუფალ დემოკრატებს აქვთ.
TNS opinion-ის ეგზიტპოლის პირველადი შედეგების თანახმად, ამომრჩეველთა 53.8% “ქართული ოცნებას“ უჭერს მხარს, ხოლო 19.5% – "ნაციონალური მოძრაობას".
TNS-ის ეგზიტპოლის პირველადი შედეგების მიხედვით , მესამე პარტია, რომელიც ბარიერს გადალახავს, „საქართველოს პატრიოტთა ალიანსია“ 5%-ით.
რაც შეეხება სხვა პარტიებს, შედეგები შემდეგნაირად გადანაწილდა: „თავისუფალი დემოკრატები" – 4.0%, „ლეიბორისტული პარტია“ – 3,1%, "პაატა ბურჭულაძე – სახელმწიფო ხალხისთვის" – 2,7%.
TNS-მა ეგზიტპოლი ოთხი ტელეკომპანიის – GDS, „მაესტრო“, „იმედი“ და საზოგადოებრივი მაუწყებლის – დაკვეთით ჩაატარა. კვლევის საველე სამუშაოები კომპანია „გორბიმ“ შეასრულა.