დასრულდა პატრიოტთა ალიანსის აქცია მეტროსადგურ რუსთაველთან. დავით თარხან-მოურავმა მეტროსადგურ ”რუსთაველთან” შეკრებილ მხარდამჭერებს დაშლისკენ მოუწოდა და განაცხადა, რომ პარტიას სჭირდება რამდენიმე დღე, რათა ხმის დათვლის პროცედურა დაასრულოს, რის შემდეგაც მათი მხარდამჭერები შესაბამისი სამოქმედო გეგმის შესახებ ინფორმირებულები იქნებიან.
როგორც თარხან-მოურავმა აღნიშნა, ხელისუფლებას აქვს გეგმა, როგორ დაუწიოს პროცენტი ”პატრიოტთა ალიანსს” და მეორე ადგილზე გაიყვანოს არჩევნებში ”ნაციონალური მოძრაობა”.
დავით თარხან-მოურავის განცხადებით, ხელისუფლება ”ნაციონალურ მოძრაობას” გაურიგდა და დღევანდელ ხელისუფლებაში ნახევარი ”ნაციონალური მოძრაობის” წევრია.
”არავინ არ გაჩუმდება. 5% რაც დაგვიწერეს ტყუილია, 5 კი არა 25 და 30% გვაქვს მიღებული. ვეუბნები ხელისუფლებას არ დავთმობთ არაფერს. ასე დაიწყო სააკაშვილმა და გადაყვა ამას. ეს ხელისუფლებაც გადაყვება ამ ამბებს. ვეუბნები ხელისუფლებას გამოიჩინოს გონიერება და ცესკო-მ დადოს ნორმალური შედეგები”, -. ”100 000 კაცს თუ არ გამოვიყვანთ აგერ ნახავს ხელისუფლება. ღმერთმა არ ქნას ხელისუფლების დამხობა მოგვიწიოს. თუ ის შედეგი არ დაიდება რაც რეალურად გვაქვს, ამ ხელისუფლებას გადავაყენებთ. – იმუქრება დავით თარხან მოურავი/