ადგილობრივი არასამთავრობო ორგანიზაციები კენჭისყრის დღის მიმდინარეობაზე

არასამთავრობო ორგანიზაციები „საუნჯე”, „სამოქალაქო საზოგადოების განვითარების ცენტრი (CSDC)”, „ნაბიჯი სამოქალაქო ინტეგრაციისკენ” და „ჰელფინგ ჰენდი” აკვირდებიან კენჭისყრის პროცედურებს ზუგდიდსა და გორში. არჩევნების დღის 12 საათამდე აღნიშნულ რეგიონებში ძირითადად მიმდინარეობს მშვიდ გარემოში, შეიმჩნევა ცალკეული ხარვეზები, თუმცა მათი უმრავლესობა მცირე მნიშვნელობისაა და უმტესწილად დაუყოვნებლივ სწორდება.2016 წლის 8 ოქტომრბის არჩევნები 12 საათის მდგომარეობით ზუგდიდსა და გორში ძირითადად მშვიდად მიმდინარეობს. დაკვირვების ფარგლებში დაფიქსირდა ცალკეული მნიშვნელოვანი დარღვევა და რამდენიმე მცირე მნიშვნელობის ხარვეზი.10 საათისთვის გავრცელებულ განცხადებაში მივუთითებდით ცალკეულ ხარვეზებზე, კერძოდ, ერთ-ერთ უბანზე (65.67.05) საკონტროლო ფურცლის შევსების წესის დარღვევასა და ლუქის მთლიანობის საკითხზე. აღნიშნულ ფაქტზე მივმართეთ საოლქო საარჩევნო კომისიას და ველით რეაგირებას.აღსანიშნავია, რომ ზუგდიდის 65.67.30 უბანზე ერთ-ერთი საარჩევნო სუბიექტის, “უსუფაშვილი – რესპუბლიკელები” წარმომადგენელი ეწეოდა სუბიექტის აგიტაციას და, აგრეთვე, ხელს უშლიდა საარჩევნო პროცესს. საუბნო საარჩევნო კომისიამ გააძევა იგი უბნიდან, თუმცა, მიგვაჩნია, რომ ასეთ შემთხვევაში საჭიროა აგრეთვე სამართალდარღვევის ოქმის შედგენა, რამდენადაც ამ ტიპის დარღვევა საკმაოდ სერიოზული მნიშვნელობისაა. შესაბამისი მოთხოვნით მივმართეთ ზუგდიდის საოლქო საარჩევნო კომისიასაც.დღის განმავლობაში რამდენიმე უბანზე დაფიქსირდა რეგისტრატორი კომისიის წევრების მხრიდან ცალკეული პროცედურების არასწორი შესრულება, რაც გამოიხატა ამომრჩეველთა სიაში ხელმოწერის არასწორ გრაფაში დაფიქსირებაში, ბიულეტენზე ბეჭდის დაუსმელობაში. უმეტეს შემთხვევაში ხარვეზებზე სათანადო რეაგირება მოხდა კიდევაც, თუმცა მიგვაჩნია, რომ ასეთი დარღვევის ხშირად განმეორება მიუთითებს შესაბამის პირთა მხრიდან უფლებამოსილების არაჯეროვან შესრულებაზე და შესაბამისი დისციპლინური პასუხისმგებლობა უნდა დაეკისროს მათ.შეჯამების სახით უნდა აღინიშნოს, რომ საერთო გარემო რჩება მშვიდად, თუმცა მცირედი დარღვევების სიხშირე უარყოფითად მოქმედებს მთელს პროცესზე და აუცილებელია დროული და ეფექტიანი რეაგირება. ამასთან, მოვუწოდებთ ყველა საარჩევნო სუბიექტს, მიუთითონ მათ წარმომადგენლებს, დაიცვან საარჩევნო კოდექსის მოთხოვნები, არ გასწიონ აგიტაცია საარჩევნო უბნებსა და მათ მიმდებარე ტერიტორიებზე და არ შეუშალონ ხელი საარჩევნო პროცესებს.- ნათქვამია განცხადებაში.

ადგილობრივი არასამთავრობო ორგანიზაციები კენჭისყრის დღის მიმდინარეობაზე

სიახლეები

ჩინეთის 2-მა მოქალაქემ თვითმფრინავში მგზავრები გაქურდა-დაკავებულია ორი პირი

ამ კვირაში გვექნება ახალი კონტაქტები შუამავლებთან – ზელენსკი