ოდესის გუბერნატორი მიხეილ სააკაშვილი მისი მოსალოდნელი გადადგომის შესახებ ზოგიერთ მედიასაშუალებაში გავრცელებულ ინფორმაციას ეხმაურება.
შეგახსენებთ, ,,რუპორ ოდესსი''-მ 6 ოქტომბერს გააავრცელაინფორმაცია, რომ უკრაინის პრეზიდენტმა პოროშენკომ უკვე მოაწერა ხელი განკარგულებას ოდესის გუბერნატორის პოსტიდან მიხეილ სააკაშვილის გადაყენების შესახებ, მაგრამ ეს განკარგულება 8 ოქტომბრის შემდეგ გამოქვეყნდება მიუხედავად იმისა, რა შედეგები დადგება საქართველოს საპარლამენტო არჩევნებში.
ინფორმაცია სიხარულით აიტაცა ,,ქართული ოცნების'' მხარდამჭერმა მედიამ.
მიხეილ სააკაშვილის თქმით, უკრაინის პრეზიდენტის ოდესის ოლქში ჩამოსვლა არა მის გათავისუფლებას, არამედ მისი ადმინისტრაციის უფრო გაძლიერებას უკავშირდება:
„ოცნებას კაცი არ მოუკლავს. ხვალ პრეზიდენტის ვიზიტის დროს ჩვენ წარვადგენთ ჩემს სამ მოადგილეს, კემბრიჯის, პრიონსტონის უნივერსიტეტების და ლონდონის ეკონომიკის სკოლის კურსდამთავრებულებს. მთავარი კი ისაა, რომ ძალიან საინტერესო და აქტიური ახალგაზრდები არიან.“ წერს მიხეილ სააკაშვილი თავის ოფიციალურ ფეისბუქგვერდზე.