„თავისუფალი დემოკრატების“ ზუგდიდის მაჟორიტარი დეპუტატობის კანდიდატმა ირაკლი ჩიქოვანმა საგანგებო ბრიფინგი გამართა. ჩიქოვანი მოსალოდნელ სააფრთხეებზე საუბრობს და მოუწოდებს ყველა შესაბამის უწყებას უზრუნველყონ არჩევნების მშვიდობიანად ჩატარება. „მიუხედავად იმისა, რომ ქვეყანაში არის დადებითი და პოზიტიური ფონი, ვიდრე ეს იყო 2012 წელს საარჩევნო პერიოდში, მაინც არსებობს ცალკეული გამოვლინებები და ცალკეული ინიციატივები რასაც ადგილობრივ დონეზე ავლენენ ადგილობრივი ხელისუფლების წარმომადგენლები და ეს აბსოლუტურად არ ჯდება იმ საერთო ინტერესში, რომელიც ჩვენს ქვეყანას გააჩნია. მე მინდა მივმართო პრემიერ-მინისტრს გიორგი კვირიკაშვილს, შსს მინისტრს, სახელმწიფო უსაფრთხოების სამსახურის უფროსს გომელაურს. ვიცი რომ ზემოდან არ მოდის არანაირი ინსტრუქცია, ეს ხდება ადგილობრივ დონეზე, რომელშიც მონაწილეობს სამხარეო პოლიციის უფროსი, სუსის უფროსი და ასევე სამხარეო ადმინისტრაცია საარჩევნო პროცესებში იმ ფორმით, რა ფორმითაც ეს ჩვენთვის მიუღებელია. ზედმეტად აქტიურობენ, ნურავინ ნუ ისპეკულირებს იმით, რომ ზუგდიდში არის ფეთქებადსაშიში ვითარება, ასეთი ვითარება ზუგიდში არ არის, მე ვთხოვ ყველა შესაბამის უწყებას დაინტერსდნენ ამ საკითხით.“- განაცხადა დღეს გამართულ საგანგებო ბრიფინგზე ირაკლი ჩიქოვანმა.