„ნაციონალური მოძრაობა“ არჩევნების შედეგების აღიარებისთვის მზად არის – ასე უპასუხა ”ერთიანი ნაციონალური მოძრაობის” ერთერთმა ლიდერმა დავით ბაქრაძემ
კითხვას, რას მოიმოქმედებს ”ნაციონალური მოძრაობა”, თუკი არჩევნები მათთვის არასასურველი შედეგით დასრულდება. ბაქრაძემ აღნიშნა რომ, ”ნაციონალური მოძრაობა” არის პარტია, რომელიც არჩევნების შედეგებს ყოელთვის აღიარებდა, მათ შორის დამარცხების შემთხვევაშიც.
”2012 წელს ჩვენ დავმარცხდით, ვაღიარეთ ეს და გადავედით ოპოზიციაში. ახლა ”ქართული ოცნების” ჯერია – უნდა აღიაროს დამარცხება. ჩვენ მზად ვართ გამარჯევებისთვის, მაგრამ არჩევნების შედეგებს ”ნაცონალური მოძრაობა” ყოველთვის აღიარებდა”, – განაცხადა ბაქრაძემ არჩევნებამდე ერთი დღით ადრე, საგანგებო ბრიფინგზე, რომელზედაც შეჯამდა პარტიის წინასაარჩევნო კამპანია.
,„მთელი ჩვენი კამპანია იყო აწყობილი კონკრეტულ გეგმებზე, შეთავაზებებზე და პოზიტივზე. მთელმა ჩვენმა კამპანიამ გაიარა კონკრეტულ საუბარში იმაზე, ტუ რას გავაკეთებთ მომავალი ოთხი წლის განმავლობაში ჩვენი ხალხისთვის. ჩვენ გვაქვს კონკრეტული გეგმა როგორ ავამუშავებთ ეკონომიკას, როგორ შევქმნით სამუშაო ადგილებს, როგორ გავაუმჯობესებთ მოსახლეობის პირობებს და ამით ჩვენი კამპანია ძალიან მნიშვნელოვნად და რადიკალურად განსხვავდება ხელისუფლების კამპანიისგან, რომელმაც მთელი ეს თვეები გაატარა მოსახლეობის დაშინებაში, დაზაფრვაში, სისხლის ღვრებზე, გადატრიალებაზე ლაპარაკში.
"ამიტომ ხვალ არჩევნებზე თავად მოსახლეობამ უნდა გადაწყვიტოს რა ურჩევნია, ურჩევნია გააგრძელოს შიშის დაზაფრვის პირობებში ცხოვრება, თუ ურჩევნია საქართველოს წინსვლა და განვითარება.- განაცხადა დავით ბაქარაძემ..