8 ოქტომბრის საპარლამენტო არჩევნების ჩასატარებლად საარჩევნო უბნები მზად არის. საქართველოს მასშტაბით სულ 3 ათას 634 საარჩევნო უბანია, 11 გამონაკლის შემთხვევაში და 55 საზღვარგარეთ შექმნილი.8 ოქტომბრის არჩევნებისთვის ამომრჩეველთა ერთიან სიაში რეგისტრირებულია 3 მილიონ 513 ათას 884 ამომრჩეველი.გამარჯვებისთვის იბრძვის 25 საარჩევნო სუბიექტი. 73-ვე საარჩევნო ოლქში 816 მაჟორიტარი დეპუტატობის კანდიდატია რეგისტრირებული.დღეს 20 საათამდე საოლქო საარჩევნო კომისიები საუბნო საარჩევნო კომისიებს საარჩევნო ბიულეტენებსა და სპეციალურ კონვერტებს გადასცემს.ხვალ კი საკუთარი არჩევანის გაკეთება ამომრჩევლებს დილის 08:00 საათიდან შეეძლებათ. უბნები საღამოს 8 საათზე დაიხურება. არჩევნებს 73 მედიაორგანიზაცია გააშუქებს.