ქალაქ ოზურგეთში ცესკოს საარჩევნო კონვერტები იპოვეს ნაგვის ყუთში. ადგილობრივების განცხადებით, ურნაში მათ დაახლოებით 100 კონვერტი ნახეს. მათი გატანის ფაქტს კატეგორიულად უარყოფენ ოზურგეთის საოლქო საარჩევნო კომისიაში.„ეს იქნებოდა, დაახლოებით, 100 ცალამდე კონვერტები, ბიულეტენები არ იყო,“ – აცხადებს ოზურგეთშინინო ბურჯანაძე – დემოკრატიული მოძრაობის საარჩევნო შტაბის წარმომადგენელი, რეზო ხუნდაძე.ოზურგეთის #60 საოლქო საარჩევნო კომისიის თავმჯდომარის, ზვიად თენიაშვილის, თქმით, არჩევნების დროს შემორჩენილი კონვერტების გადაყრა მოხდა. თუმცა, ვის ქონდა ძველი კონვერტები, თავმჯდომარემ არ იცის.„დალუქულია ყველა ჩამოსული კონვერტი, რომელიც უბანში უნდა დარიგდეს, დასაწყობებულია. სულ 63 ყუთია ანუ 50 ათას 283 ცალი, რომელიც დარიგდება ყველა საარჩევნო უბანში,“ – აცხადებს ზვიად თენიაშვილი.