სახელმწიფო ხალხისთვის ლიდერმა საგანგებო განცხადება გააკეთა და პარტიაზე განხორციელებულ ზეწოლაზე ისაუბრა. პაატა ბურჭულაძის თქმით, ზეწოლა მთავრობისგან და სხვადასხვა პოლიტიკური პარტიისგან ხდება, ზეწოლა ხორციელდება მხარდამჭერებზე, შემომწირველებზე.„უარს ვაცხადებთ, ვიყოთ ვინმეს მარიონეტები. ჩვენ არც ნაციონალური მოძრაობის და არც ქართული ოცნების სატელიტები არ ვართ, ჩვენ ვართ ხალხის. ჩვენზე მიდის ზეწოლა, ყველა ფინანსური გზა გადაგვიკეტეს, ჩვენ არ ვაწყობთ არავის, ჩვენ წინააღმდეგ არის ყველა, გარდა ქართელი ხალხისა,“ – განაცხადა პაატა ბურჭულაძემ.