შინაგან საქმეთა სამინისტროს პრესსამსახური ავრცელებს ცნობას , რომ წუხელ ქვემო ფონიჭალაში მომხდარი მკვლელობა გახსნილია. დაკავებულია სავარაუდო მკვლელი – 2000 წელს დაბადებული ლ.შ. , ნივთმტკიცებად ამოღებულია დანაშაულის ჩადენის იარაღი – დანა.
,,გამოძიებამ დაადგინა, რომ ბრალდებულმა მიმდინარე წლის 29 სექტემბერს, თბილისში, რუსთავის გზატკეცილზე, სასტუმრო „ტატოს“ მიმდებარე ტერიტორიაზე, ურთიერთშელაპარაკებისას, ცივი იარაღის გამოყენებით, სახის არეში მსუბუქად დაჭრა 1999 წელს დაბადებული ო.ყ., ხოლო გულმკერდის არეში – 2000 წელს დაბადებული ა.ბ, რომელიც საავადმყოფოში გარდაიცვალა. ლ.შ. შემთხვევის ადგილიდან მიიმალა. სამართალდამცველებმა ბრალდებული ცხელ კვალზე, თბილისში დააკავეს. პოლიციამ დანაშაულის ჩადენის იარაღი – დანა ნივთმტკიცებად ამოიღო.
გამოძიება განზრახ მკვლელობის ფაქტზე მიმდინარეობს (საქართველოს სსკ-ს 108-ე მუხლით)"- ნათქვამია განცხადებაში.
ამრიგად მკვლელი პასუხს აგებს, მაგრამ რა ვერდიქტს გამოუტანს ელექქტორატი მათ, ვინც მშვიდად გააგრძელა კონცერტი, როცა ბავშვი სისხლისგან იცლებოდა? რჩება თუ არა კითხვა, რამდენად დაიცავს ხალხის ინტერესებს ,,ქართული ოცნების ''კანდიდატი ბექა ოდიშარია, თუ პარლამენტში მოხვდა?