აშშ-ის პრეზიდენტმა ბარაქ ობამამ და გერმანიის კანცლერმა ანგელა მერკელმა სირიის ქალაქ ალეპოს აღმოსავლეთ ნაწილის დაბომბვა მკაცრად დაგმეს. გერმანული პრესის ცნობით, მათ განაცხადეს, რომ ალეპოს აღმოსავლეთ ნაწილის ინტენსიური დაბომბვა „ბარბაროსობაა“.თეთრი სახლის ცნობით, სირიაში არსებული სიტუაცია ობამამ და მერკელმა სატელეფონო საუბარში განიხილეს. ორივე ლიდერი თახნმდება, რომ მოსკოვს და დამასკოს განსაკუთრებული პასუხისმგებლობა აკისრია, ამიტომ საბრძოლო მოქმედებები უნდა შეწყვიტონ და შექმნან შესაბამისი პირობები მოსახლეობისთვის ჰუმანიტარული დახმარების მისაწოდებლად. სირიის არმიამ ალეპოს აღმოსავლეთ ნაწილზე შეტევითი ოპერაცია რამდენიმე დღის წინ, რუსეთის საჰაერო მხარდაჭერით დაიწყო. გაერო-ს ცნობით, გასულ კვირას ალეპოში სულ მცირე 320 ადამიანი დაიღუპა, მათ შორის 100 ბავშვი.