უმაღლეს სასწავლებლებში დღეიდან სწავლა იწყება. სტუდენტებს სწავლის დაწყებას მინისტრთა კაბინეტის წევრები თბილისის სახელმწიფო უნივერსიტეტიდან მიულოცავენ.სტუდენტებს სიტყვით მიმართავს ასევე ახალი რექტორი გია შარვაშიძე, რომლის მისასალმებელი სიტყვით გაიხსნება ღონისძიება პირველ კორპუსში.წელს თბილისის სახელმწიფო უნივერსიტეტს 3 500-მდე პირველკურსელი ყავს. სასწავლებელი სტუდენტებს ასევე განახლებული ინფრასტრუქტურით ხვდება.„უნივერსიტეტი მზად არის. ბევრი რამ გაკეთდა სტუდენტებისთვის, ბევრი სიახლე დახვდებათ. არის ბევრი პროგრამა, რომელიც უკვე აკრედიტებულ რეჟიმში იქნება. სამაგისტრო, სადოქტორო, საბაკალავრო პროგრამები. 3500 სტუდენტი შემოვა წელს თბილისის სახელმწიფო უნივერსიტეტში. აღსანიშნავია, რომ 70%-ია ამ სტუდენტებისა, ვისაც აქვს გამოყოფილი სახელმწიფო დაფინანსება,“ – განაცხადა თსუ-ის რექტორმა გია შარვაშიძემ.