დღეს ნიუ-იორკში გაეროს უშიშროების საბჭოს სხდომა გაიმართება, იგი შესაძლოა, ადგილობრივი დროით 11.00 საათზე დაიწყოს. საბჭოს განხილვის მთავარი თემა იქნება სირიის ქალაქ ალეპოში მიმდინარე მოვლენები. უშიშროების საბჭოს საგანგებო სხდომის მოწვევა ამერიკის შეერთებულმა შტატებმა, დიდმა ბრიტანეთმა და საფრანგეთმა მოითხოვეს.
უკანასკნელ დღეებში, ალეპოში სისხლისმღვრელი ბრძოლები მოქმედებები განახლდა . ორი დღის წინ სირიის სახელისუფლებო ძალებმა გააკეთეს განცხადება, რომ საბრძოლო მოქმედებებს გეგმავენ იქამდე, სანამ არ დაიბრუნებენ სრულ კონტროლს ქალაქზე, რომლის ნაწილს მეამბოხეები აკონტროლებენ.
გუშინ ინტენსიური საბრძოლო მოქმედებებს 45 ადამიანის სიცოცხლე ემსხვერპლა, გაერო-ს ბავშვთა ფონდის ცნობით, ორ მილიონზე მეტ ადამიანს სასმელი წყალი არ მიეწოდება რადგან დაბომბვებში დაზიანდა წყლის სატუმბი სადგურები, შექმნილმა პრობლემამ შესაძლოა, ეპიდემია გამოიწვიოს, რადგან ადამიანებს დაბინძურებული წყლის მოხმარება მოუწევთ. აქტივისტების ცნობით, სირიის პარალელურად ალეპოს აღმოსავლეთ ნაწილს , რომელიც მეამბოხეების კონტროლის ქვეშ არის რუსეთის ავიაციაც ბომბავს.
გაეროს გენერალურმა მდივანმა პან გი მუნმა უკვე გამოთქვა მწუხარება ალეპოში ვითარების ესკალაციის გამო და დაგმო მსხვილი კალიბრის ბომბების გამოყენება .