"ქართული ოცნებისა და ნაციონალური მოძრაობის ეკონომიკური პროგრამის შედარებითი ანალიზი” რომან გოცირიძემ წარმოადგინა. ნაციონალური მოძრაობის სიის პირველი ათეულის წარმომადგენელმა პრეზენტაცია სასტუმრო ამბასადორში გამართა.რომან გოცირიძის განცხადებით, ქართული ოცნების საარჩევნო პროგრამა არარეალისტური დოკუმენტია, რომელიც სამინისტროების მიერ გაწეული მუშაობის ანგარიში და მომავალში გასაკეთებელი საქმეთა ჩამონათვალია და გაჯერებულია ტრადიციული ცრუ დაპირებებით.მისივე თქმით, ქართული ოცნების პროგრამით ქვეყნის ფინანსური რესურსი სათანადოდ არ არის შეფასებული.„ქართული ოცნების პროგრამა არის აგებული ილუზიებზე და შეგნებულად ცრუ დაპირებებზე. ამ პროგრამაში ჩამოთვლილი დაპირებების შესრულებას არ ეყოფა ჩვენზე 20-ჯერ მდიდარი ქვეყნის ბიუჯეტი. ისეთ ციფრებზე გავდივართ, რომ უბრალოდ ბავშვიც კი მიხვდება, რომ იქ მოყვანილი ლამაზი დაპირებები არის რეალობას მოწყვეტილი,“ – განაცხადა რომან გოცირიძემ.